Жаңалықтар

14 қазан күні «Қазақстан тарихы» кафедрасының оқытушысы Г.Ахайдың жетекшілігімен ЮМ-16-3к тобының студенттері Оңтүстік Қазақстан облыстық Саяси қуғын-сүргін құрбандары музейінде болды.  Оқу жоспарындағы дәрістің «Кеңестік тоталитарлық Қазақстанның қалыптасуы: сипаты, шаралары, сабақтары» тақырыбы аясында жүргізілген экскурсия кезінде студенттер музей экспозициясымен таныса отырып саяси қуғынға ұшыраған мемлекет қайраткерлері туралы құжатты деректерге көңіл аударды, зұлмат жылдар тарихынан әсер алды. Музейдің орталық және тағзым залын аралау барысында мекеменің аға ғылыми қызметкері Бейсова Дариға Жарқынбайқызы келуші студенттерге тоталитарлық жүйе мен қуғын-сүргін заманындағы қазақ зиялыларының атқарған еңбектеріне шолу жасап, Қазақстан тарихындағы осы бір ауыр кезеңнің кейбір тұстары туралы кең түрде баяндап берді.